You are here
Home > Zabava - Zanimljivosti > “Zoš gonan po domoće”

“Zoš gonan po domoće”

Forši neki od vas već znoju, ali jutre je svetski don materinjeg zajika. Radi tega son odlučila napisat por stvor kako bin vas spametila koliko je bitno da i dalje gonamo po domoće i da tako gonaju i naša deca.

Još od starini Istra je bila pod vlašću drugeh državah i stalno su se mišali zajiki od seh kraji. Istrijonski je bi zapostavljen i diboto rovinon, ma naši judi su ga rivali škapulat s jubavi prema našoj Istri i svojemi decami. Oteli su da se materinji zajik i dalje gona i da ga vade njihova deca pa deca njihove dece i tako dalje. Da ni bilo njeh sada ne bi nanke postojalo ovo i ja nebin znala ni besedu istrijonskega. Još od mićeh nog son bila okružena s istrijonsken. Vajk su si oko mene gunali tako pa son počela i ja. Stvora su se malo kambijale kad son počela hodit va školu jer su nas tamo tentali da gonamo po hrvocki i radi tega se va mojen govore pomalo i zgubi istrijonski.

Još vajka gonan doma po istrijonski, a najviše sa svoju nonu ka me je i navadila tako gonat i radi tega je joko štimon. Sada već manje gonan po naše, ma vajka će naš zajik bit va mene. To je dio mene ka se nikad neće zgubit jer je zajik ono ca šloveka spaja s neken naroden i neken mesten.

 
Top